اجزاء
بیف بون لیس ۔۔۔۔۔۔۔آدھا کلو
ٹماٹر۔۔۔۔۔۔۔ دو عدد
لہسن پیسٹ۔۔۔۔۔۔۔۔ آدھا کھانے کا چمچ
ہرا پیاز ۔۔۔۔۔دو عدد
ہلدی ۔۔۔۔۔۔آدھا کھانے کا چمچ
سفید زیرہ ۔۔۔۔۔۔ایک کھانے کا چمچ
اجوائن ۔۔۔۔۔۔دو چٹکی
آئل ۔۔۔۔۔۔ایک کپ
ادرک پیسٹ ۔۔۔۔۔۔۔ایک کھانے کا چمچ
شملا مرچ ۔۔۔۔۔۔دو عدد
نمک ۔۔۔۔۔۔۔۔حسب ذائقہ
سونف ۔۔۔۔۔۔۔۔۔ایک کھانے کا چمچ
کٹی ہوئی لال مرچ ایک۔۔۔۔۔۔۔ کھانے کا چمچ
کلونجی۔۔۔۔۔ دو چٹکی
پانی ……حسب ضرورت
ترکیب
سب سے پہلے بیف کو صاف پانی سے واش کرلیں ۔
پریشر ککر میں ڈال کر اس میں ادرک لہسن پیسٹ اور ایک گلاس پانی شامل کرکے مکس کرکے 20 منٹ کے لیے پریشرلگائیں۔
20 منٹ کے بعد وزن ہٹا لیں اور جب بھانپ نکل جائے تو پریشر ککر کو کھول کربیف کو چیک کرلیں اور اگر اس میں پانی ہو تو چولہے پر رکھ کے پانی خشک کرلیں ۔
جب پانی خشک ہو جائے تو اس میں ایک کپ آئل شامل کریں اور اچھے سے فرائی کریں۔
بیف فرائی کرنے کے بعد اس میں چھوٹے سائز میں کٹے ہوئے دو عدد ٹماٹر شامل کریں ساتھ ہی اس میں آدھا کھانے کا چمچ ہلدی،ایک کھانے کا چمچ سفید زیرہ،ایک کھانے کا چمچ کٹی ہوئی لال مرچ،دو چٹکی کلونجی،ایک کھانے کا چمچ سونف،دو چٹکی اجوائن اور حسب ذائقہ نمک شامل کرکے تین سے پانچ منٹ کے لیے اچھے طریقے سے بھون لیں۔
بیف کو اچھے سے بھوننے کے بعد اس میں باریک کٹی ہوی شملہ مرچ اور ہرا پیاز کاٹ کر شامل کرکے اچھے طریقے سے مکس کرلیں۔
آخر میں بیف کو 3 سے 4 منٹ کے لیے ڈھک کر ہلکی آنچ پر دم لگائیں ۔
لیجئے مزیددار اچاری بیف چلی تیار ہے،باؤل میں نکال کر نان یا روٹی کے ساتھ پیش کریں۔
