![](https://nextpakistan.com/wp-content/uploads/2024/03/Kaleji-Bhuni-hui.jpg)
- March 25, 2024
- Uzair Zubair
- 0
بھنی ہوئی کلیجی پاکستان میں سٹریٹ فوڈ کے نام کے ساتھ ساتھ روایتی پکوان کے نام سے بھی بہت مشہور ہے ۔ کلیجی کھانے کے بہت سے فوائد ہیں یہ ہماری آ ئرن کی کمی کو پورا کرتی ہے ساتھ ہی آ نکھوں کے لیے بھی بہت مفید ہے ۔ یہ تمام لوگوں کی مرغوب غذا ہے ۔ اور یہ گھر میں آ سانی سے تیار کی جاتی ہے ۔
اجزا
کلیجی ۔۔۔۔۔۔۔۔۔۔۔۔۔ 750 گرام
آ ئل ۔۔۔۔۔۔۔۔۔4/1 کپ
پیاز ۔۔۔۔۔۔۔۔۔ 1 عدد
ٹماٹر ۔۔۔۔۔۔۔۔۔۔ 2 عدد
ہری مرچ ۔۔۔۔۔۔۔۔۔ 3 سے 4 عدد
دھنیا ۔۔۔۔۔۔۔۔۔۔۔ چند پتے
ادرک کا پیسٹ ۔۔۔۔۔۔۔۔۔۔ آ دھا کھانے کا چمچ
لہسن کا پیسٹ ۔۔۔۔۔۔۔۔۔۔۔ آ دھا کھانے کا چمچ
تکہ مصالحہ ۔۔۔۔۔۔۔۔۔۔۔ 2 کھانے کا چمچ
ہلدی پاوڈڑ ۔۔۔۔۔۔۔۔۔ 2 کھانے کے چمچ
لال مرچ پاوڈڑ ۔۔۔۔۔۔۔۔۔۔۔ آ دھا کھانے کے چمچ
لال مرچ پاوڈر ۔۔۔۔۔۔۔۔۔۔۔ آ دھا کھانے کا چمچ
کٹی ہوئی لال مرچ ۔۔۔۔۔۔۔۔۔۔۔۔ آ دھا کھانے کا چمچ
زیرہ پاوڈر ۔۔۔۔۔۔۔۔ آ دھا کھانے کا چمچ
دھنیا پاوڈر ۔۔۔۔۔۔۔۔ 1 کھانے کا چمچ
نمک ۔۔۔۔۔۔۔۔۔۔۔ 1 کھانے کا چمچ یا حسب ضرورت
پانی ۔۔۔۔۔۔۔۔۔۔حسب ضرورت
دہی ۔۔۔۔۔۔ 2 کھانے کے چمچ
گرم مصالحہ ۔۔۔۔۔۔۔۔ آ دھا کھانے کا چمچ
قصوری میتھی ۔۔۔۔۔۔۔1 کھانے کا چمچ
ترکیب
سب سے پہلے کلیجی کو صاف پانی سے اچھے سے واش کر لیں تا کہ کلیجی سے خون اچھے سےصاف ہو جائے ۔
ایک کڑاہی میں 4/1 کپ آئل ڈال کر گرم کر لیں ۔ جب آ ئل گرم ہو جائے تو اس میں باریک سلائس میں کٹا ہوا ایک عدد بڑا پیاز ڈال کر 2 سے 3 منٹ کے لیے پکائیں تا کہ پیاز کا رنگ تھوڑا تبدیل ہو جائے پیازکو گولڈن براؤن نہیں کرنا ۔
جب پیاز کا رنگ تبدیل ہو تو اس میں دوعدد بڑے بڑے سائز کے کٹے ہوئے ٹماٹر آدھا کھانے کا چمچ ادرک کا پیسٹ اور آدھا کھا نے کا چمچ لہسن کا پیسٹ شامل کرکے اچھے سے بھون لیں تاکہ ان کا کچا پن ختم ہو جائے۔
جب مصالحہ اچھے سے بھن جائے تو اس میں دو کھانے کا چمچ تکہ مصالحہ، آدھا کھانے کا چمچ ہلدی پاؤڈر، آدھا کھانے کا چمچ لال مرچ کا پاؤڈر، آدھا کھانے کا چمچ کٹی ہوئی لال مرچ آدھا کھانے کا چمچ زیرہ پاؤڈر آدھا کھانے کا چمچ دھنیا پاؤڈر ایک کھانے کا چمچ نمک یا حسب ذائقہ ڈال کر اچھےسے مکس کر کے تھوڑا پانی ڈال کر مصالحے کو اچھے سے بھون لیں جب مصالحہ اچھے سے بھن جائے تو اس میں دو کھانے کا چمچ دہی ڈال کر دو منٹ کے لئے بھون لیں۔
جب مصا لحے سے آئل الگ ہو جائے تو اس میں کلیجی ڈال کر اچھے سے مصالحہ کے ساتھ بھون لیں تین سے چار منٹ بھون لینے کے بعد اس میں تین سے چار عدد کٹی ہوئی ہری مرچ ڈال کر مکس کریں ساتھ ہی آدھا کھانے کا چمچ گرم مصالحہ پاؤڈر اور آدھا کھانے کا چمچ قصو ری میتھی ڈال کر مکس کریں۔ پھر اس میں ¼ کپ پانی ڈال کر ڈھک کر پانچ سے چھ منٹ کے لیے ہلکی آنچ پر پکائیں ۔
لیجئے مزیدار بھنی ہوئی کلیجی تیار ہے ۔باؤل میں نکال کر اس پر کٹا ہوا ہرا دھنیا ڈال کر روٹی کے ساتھ پیش کریں۔