![](https://nextpakistan.com/wp-content/uploads/2024/03/aloo-keema_13_11zon.webp)
- March 1, 2024
- Uzair Zubair
- 0
ٓلو قیمہ پاکستان میں روایتی پکوان کے ساتھ ساتھ سٹریٹ فوڈ کے نام سے بھی مشہور ہے ۔ یہ تقریبا ہر گھر کی دعوت کے کھانے میں خاص مقبولیت کی حامل ڈش ہے ۔ یہ ہر عمر کے لوگوں کا پسندیدہ پکوان ہے ذائقے کے ساتھ ساتھ یہ صحت کے لیے بھی بہت مفید ہے ۔
اجزا
آئل ۔۔۔۔۔۔۔۔۔۔ ½ کپ
ثابت کالی مرچ ۔۔۔۔۔۔۔۔۔ 2 سے 3 عدد
داڑھ چینی ۔۔۔۔۔۔۔۔۔۔۔۔۔ ایک عدد
ہری الائچی ۔۔۔۔۔۔۔۔۔ 2 عدد
بیف قیمہ ۔۔۔۔۔۔۔۔۔۔۔۔ ½ کلو گرام
پیاز ۔۔۔۔۔۔۔۔۔۔۔۔ 2 عد
ادرک لہسن کا پیسٹ ۔۔۔۔۔۔۔۔۔۔۔ 1 کھانے کا چمچ
ٹماٹر ۔۔۔۔۔۔۔۔۔۔۔ 3 عدد ( درمیانے سائز کے )
لال مرچ ۔۔۔۔۔۔۔۔۔۔۔۔ ڈیڑھ کھانے کا چمچ
گرم مصالحہ پاوڈر ۔۔۔۔۔۔۔۔۔۔۔ آ دھا کھانے کا چمچ
ہلدی پاوڈر ۔۔۔۔۔۔۔۔۔۔۔۔ 1 کھانے کا چمچ
نمک ۔۔۔۔۔۔۔۔۔۔۔۔ حسب ذائقہ یا 1 کھانے کا چمچ
ثابت دھنیا پاوڈر ۔۔۔۔۔۔۔۔۔۔۔۔ 1 کھانے کا چمچ
کشمیری لال مرچ ۔۔۔۔۔۔۔۔۔۔ آ دھا کھانے کا چمچ
دہی ۔۔۔۔۔۔۔۔۔ آ دھا کپ
آلو ۔۔۔۔۔۔۔۔۔ 4 عدد
قصوری میتھی ۔۔۔۔۔۔۔۔۔۔ آ دھا کھانے کا چمچ
پانی ۔۔۔۔۔۔۔۔۔ 2 کپ یا حسب ضرورت
دھنیا ۔۔۔۔۔۔۔۔۔۔۔۔ چند پتے
ہری مرچ ۔۔۔۔۔۔۔۔۔۔۔۔ 5 سے 6 عدد
ترکیب
ایک برتن میں آئل ڈال کر چولہے پر رکھیں اور اس میں ثابت کالی مرچ ، داڑھ چینی اور دو عدد ہری الائچی ڈال دیں ۔
2 عد د پیاز کاٹ کر آئل میں شامل کریں اور تب تک پکائیں جب تک پیاز گولڈن براون نہ ہو جائے ۔
جب پیاز براون رنگ میں تبدیل ہو جائے تو اس میں ادرک اور لہسن کا پیسٹ ڈال کر بھونیں اور تھوڑی دیر بعد 3 عدد گرینڈ کئے ہوئے ٹماٹر کا پیسٹ شامل کر کے 4 سے 5 منٹ کے لیے پکائیں
تھوڑی دیر پکانے کے بعد مصالحہ میں ڈیڑھ چمچ لال مرچ کا پاوڈر ۔ گرم مصالحہ کا پاوڈر ، ہلدی پاوڈر ، حسب ذائقہ نمک ، دھنیا پاوڈر اور کشمیری لال مرچ شامل کر کے اچھے سے مکس کر کے 2 منٹ کے لیے پکائیں ۔
مصالحہ جب بھون جائے تو اس میں آ دھا کپ دہی شامل کر کے مصالحہ میں اچھےسے مکس کر کے 4 سے 5 منٹ کے لیے پکائیں ۔
جب مصالحہ سے آ ئل الگ ہونے لگ جائے تو اس میں صاف پانی سے اچھی طرح صاف کیا ہوا قیمہ ڈال کر تب تک پکائیں جب تک کہ قیمہ کا رنگ تبدیل نہ ہو جائے ۔
چمچ کی مدد سے مسلسل قیمہ کو پکائیں تا کہ برتن سے نہ لگ جائے اور اس میں خوشبو اور بہتر ذائقے کے لیے آ دھا کھانے کا چمچ قصوری میتھی شامل کر کے پکائیں ۔
پھر درمیانی سائز میں کٹے ہوئے آلو شامل کر کے تھوڑی دیر بھونیں اور اس میں 2 کپ پانی یا حسب ضرورت پانی ڈالیں تا کہ آ لو اور قیمہ گل جائے ۔ جب پانی کو ابال آ جائے تو ڈھک دیں
ہلکی آ نچ پر ڈھک کے رکھ کر 20 سے 25 منٹ کے لیے پکائیں ۔
جب آ ئل قیمہ سے الگ ہو جائے تو چولہے سے اتار لیں ۔
لیجیے ! مزیدار آلو قیمہ تیار ہے ۔ ڈش میں نکال کر اوپر کٹی ہوئی ہری مرچیں اور ہرا دھنیا اور ادرک کے سلائس ڈال کر گرم گرم چپاتی کے ساتھ پیش کریں ۔