![](https://nextpakistan.com/wp-content/uploads/2024/03/Butter-Chicken.jpg)
- March 25, 2024
- Uzair Zubair
- 0
بٹر چکن پاکستان میں سٹریٹ فوڈ کے نام سے مشہور ہے یہ ہر ریسٹورنٹ میں کھائے جانے والی مرغوب ڈش ہے۔ بٹر چکن گھر پر بھی باآسانی بنایا جا سکتا ہے ۔اس کو بنانے کا طریقہ بہت ہی آسان ہے اس میں شامل کریم اور بٹر اس کے ذائقوں کو منفرد بناتے ہیں ۔
اجزاء
چکن بون لس۔۔۔۔۔۔۔۔ آدھا کلو
دہی ۔۔۔۔۔۔آدھا کپ
لال مرچ پاوڈر ۔۔۔۔۔۔۔۔۔ ایک کھانے کا چمچ یا حسب ذائقہ
نمک ۔۔۔۔۔۔۔۔۔آدھا کھانے کا چمچ یا حسب ذائقہ
ہلدی پاؤڈر ۔۔۔۔۔۔۔۔۔۔۔آدھا کھانے کا چمچ
ادرک کا پیسٹ۔۔۔۔۔۔۔۔۔۔ آدھا کھانے کا چمچ
ہری مرچ کا پیسٹ ۔۔۔۔۔۔۔۔۔آدھا کھانے کا چمچ
زیرہ پاؤڈر۔۔۔۔۔۔۔آدھا کھانے کا چمچ
کالی مرچ کا پاؤڈر۔۔۔۔۔۔۔ ایک کھانے کا چمچ
کریم۔۔۔۔۔۔۔۔ آدھا کپ
قصوری میتھی۔۔۔۔۔۔۔۔ ایک کھانے کا چمچ
ہری الائچی۔۔۔۔۔۔۔ دو عدد
د ھنیاپاؤڈر۔۔۔۔۔۔۔۔۔۔۔ ایک کھانے کا چمچ
گرم مصالحہ پاؤڈر۔۔۔۔۔۔۔۔ آ دھا کھانے کا چمچ
لیموں کا رس ۔۔۔۔۔۔۔۔۔دو کھانے کا چمچ
پیا ز۔۔۔۔۔ ۔ایک عدد
آئل۔۔۔۔۔۔۔۔دو کھا نے کے چمچ
مکھن ۔۔۔۔۔۔۔۔دو سے تین کھانے کے چمچ
دارچینی ۔۔۔۔۔۔۔۔ایک عدد
لہسن پیسٹ ۔۔۔۔۔۔۔۔آدھاکھا نے کا چمچ
ٹماٹر ۔۔۔۔۔۔۔۔تین عدد
چینی۔۔۔۔۔۔۔ ایک کھانے کا چمچ
جائفل پاؤڈر۔۔۔۔۔۔۔آدھا کھانے کا چمچ
پانی۔۔۔۔۔۔ حسب ضرورت
دودھ ۔۔۔۔۔۔آدھا کپ
ترکیب
سب سے پہلے بون لس چکن کو صاف پانی سے اچھے سے واش کر لیں ۔
ایک باول میں آ دھا کپ دہی ، 1 کھانے کا چمچ لال مرچ کا پاوڈر ، آ دھا کھانے کا چمچ نمک ، آ دھا کھانے کا چمچ ہلدی پاوڈر ، آدھا کھانے کا چمچ گرم مصالحہ پاوڈراور لیموں کا رس 2 کھانے کا چمچ ڈال کر اچھے سے مکس کر کے آ دھا کلو چکن ڈال کر پیسٹ میں اچھے سے مکس کر کے 30 منٹ کے لیے میرینیٹ کر کےرکھ دیں۔
ایک پین میں 2 کھانے کے چمچ آ ئل ڈال کر اس میں میرینیٹ چکن شامل کر کے اچھے سے پکائیں جب چکن اچھے سے پک جائے ا ور آ ئل الگ ہو جائے تو چولہے سے اتار لیں ۔
ایک برتن میں 2 سے 3 کھانے کے چمچ مکھن ڈال کر گرم کر لیں پھر اس میں ایک عدد داڑھ چینی ، 2 عدد ہری الائچی ، 1 عددکرش پیاز ، آ دھا کھانے کا چمچ ادرک؎ کا پیسٹ ، آ دھا کھانے کا چمچ لہسن کا پیسٹ اور آدھا کھانے کا چمچ ہری مرچ کا پیسٹ ڈال کر پکائیں تا کہ پیاز کا رنگ تبدیل ہو جائے ۔
جب پیاز کا رنگ تبدیل ہو جائے تو اس میں تین عدد ٹماٹر گرائنڈ کرکے ڈال کر مکس کرکے ڈھک کر چار سے پانچ منٹ کے لیے پکائیں ۔
پھر اس میں آدھا کھانے کا چمچ زیرہ پاؤڈر، آدھا کھانے کا چمچ نمک ،آدھا کھانے کا چمچ ہلدی پاؤڈر، آدھا کھانے کا چمچ جائفل پاؤڈر ، ایک کھانے کا چمچ کالی مرچ کا پاؤڈر اور ایک کھا نے کا چمچ چینی ڈال کر مکس کر کے دو منٹ کے لیے اچھے سےپکائیں۔ پھر اس میں آدھا کپ پانی شامل کرکے پکائیں ۔
ایک باؤل میں آدھا کپ کریم میں آدھا کپ دودھ شامل کرکے اچھے سے مکس کرکے مصالحہ میں تھوڑا تھوڑا شامل کریں اور ساتھ ہی چمچ کی مدد سے مکس کریں پھر اس میں پکا ہوا چکن شامل کرکے ساتھ ہی ایک کھانے کا چمچ قصوری میتھی شامل کرکے ایک سے 2 منٹ کے لیے پکائیں۔
لیجئے مزیدار بٹر چکن تیار ہے ڈش میں نکال کر اوپر تھوڑی کریم ڈال کر نان یا روٹی کے ساتھ پیش کریں۔